Maham u slap mih ki longkmie ban jied nongmihkhmat ha East Jaiñtia; suki ka Vote ha West Jaiñtia
JOWAI: Ka jingthep naka bynta ban jied ïaki nongthaw aiñ ba thymmai ha Jaiñtia Hills Autonomous District Council (JHADC) kala long kaba ïaid beit ïaid ryntih.
Haduh bala thoh ïaka khubor ha Rilum Jaiñtia kam pat don kano kano ka report ba ïohlum ban don ki jingkulmar ne ïakynad. Haki jaka kiba kham ma la don ki bor pahara bad ka jingthep vote kala iaid beit.
![](https://www.syllad.com/wp-content/uploads/2024/09/JIT-Vacancy-823x1024.avif)
U nongai khubor u Syllad na East Jaiñtia Hills u iathuh ba ka jingmih ki nongthep vote kalong kaba ryntih bad ha kiba bun ki jaka la lap ba bun ki longkmie kiba la mih paidbah ban pyndep ïaka hok ka jong ki ban jied ïa u nongthaw aiñ uba thymmai hala ki jong ki jong ki constituency jong ki.
Ha ka thaiñ Narpuh watla maham ka suin bneng bad kala don ka jinghap slap, hynrei u paidbah ula leh bym sailai bad mih paidbah ban pyndap ïaki jaka thep vote smam bad pyndep iaka hok thep vote.
Ha Jowai bad kiwei kiwei ki shnong ba marjan ka jingthep vote kalong kaba suki bad kylluid.
Wat ha ki jaka ba shongshit bha ka elekshon haka thaiñ Nartiang ka jingthep vote kalong kaba jai jai bad iaid beit.
Haduh bala thoh ïaka khubor ka jingwan jong ki nongthep vote kala kot 32 percent ha West Jaiñtia bad East Jaiñtia palar 39 percent, ki don ki jaka bym pat ioh report. Kane ka long katkum ka report kaba iohlum na ki jaka thep vote (polling station) bapher bapher haduh ka por 9 am.
Leave a Reply