Maham u SP West Jaintia Hills ia kiba pynsaphriang khubor lamler iaka tika COVID

Syllad | The Rising MeghalayaJune 30, 2021

U Superintendent of Police West Jaintia Hills District, Bikram D Marak ula maham ia ki paidbah ba kim bit ban pynsaphriang ia ki khubor kiba ialam bakla halor ka jingai tika COVID-19.

U SP ha u kyrwoh jong u, ula ong ba lada don mano mano ne ki kynhun kiba pynsngewthuh bakla ia u paidbah halor ka tika COVID, kin ngat haka jingshah pynshitom katkum ki kyndon jong ka aiñ.

Ula kyntu ia ki paidbah ba kim dei ban pynsaphriang ia ki khubor lamler halor ka tika COVID ha kino kino ki rukom.

U SP ula ong ba kane ka long katkum ka hukum jong ka iingishar Meghalaya High Court haka 23 tarik u Jylliew kaba ong ba lada don mano mano u briew/ka kynhun kiba pyrshang ban pynsngewthuh bakla halor ka tika COVID-19 kin shah kem katkum ka kyndon jong ka aiñ.