Maham u SP WJH ïa kiba pynsaphriang ïaka khubor Men Shohnoh

Syllad | The Rising MeghalayaFebruary 19, 2020

JOWAI: U Superintendent of Police, West Jaiñtia Hills District Bah Lakador Syiem ula ïoh jingtip ba don ki briew kiba pynsaphriang ïaka khubor hamsaïa ha ki social media halor ka Woodland Hospital kaba don ha Sabahmuswang, West Jaiñtia Hills District.

U SP ula ong kane ka khubor hamsaïa ym tang baka pynbudnam, hynrei ka wanrah ruh ïaka jingtieng jingsmiej bad pynsyier ïaki nongshong shnong. U SP ula maham tyngeh ïa ki paidbah kiba pynher ïaki khubor lamler bad lada lap yn pynshitom katkum ki kyndon jong ka aiñ.

Kane ka khubor hamsaia kadei halor ba ki men shoh noh ki iaid sharum shaneng ba kwah khlieh briew kane ka jaka sumar bad kane khubor lamler kala par kylleng kynthup ha ki social media.