Mana ban khaïi khappud Bangladesh ïaki shnong ba hap haka containment areas

Syllad | The Rising MeghalayaApril 19, 2021

U Sub Divisional Officer (Civil), Amlarem Sub-Division Abhilash Baranwal, IAS ula pynmih ka hukum haka 19 tarik u Iaiong bad bthah ia baroh ki nongshong shnong ban bud ryngkhi iaki hukum jong ka containment areas kaba la pynbna haka 13 tarik une u bnai.

Kane ka hukum kaba la pynmih haka 13 tarik u Iaiong kala pynbna ia ki 6 tylli ki shnong kaba kynthup iaka Shnongpdeng, Darrang, Kongwang, Lymba, Dawki, Bakur kum ka Containment Areas. Ka Containment Areas ka kynthup ruh iaka jaka rung lane Entry Points na Dawki Amlarem Jowai road- Shnongpdeng, Dawki Boating Point bad Dawki PHC shaduh Tamabil.

Katkum ka hukum u SDO, ka la ong ba ym shah ia kino kino ki briew kiba na ki 6 tylli ki shnong ban khaii pateng ha ka kam khaii khappud katba dang treikam ka hukum containment areas.

Pynbna containment areas ïaka Darrang, Shnongpdeng, Dawki bad kiwei

Kino kino kiba pynkhein ia kane ka hukum kin ngat haka jingshah pynshitom katkum ka kyndon jong ka Disaster Management Act, 2005 bad ka kyndon katkum ka Section 188 of IPC.