Mana ban pyniap dohum pathar ha Wah Lukha

Syllad | The Rising MeghalayaJune 11, 2019

JOWAI: Ka Dorbar Shnong Sonapyrdi, East Jaintia Hills District ha ka Dorbar Shnong kaba la long ha ka 6th June 2019 ka la rai ban nym shah shuh ban wieh dawai bih bad wieh shun ha ki wahduid jong ka shnong bad thang Blasting (dynamite) ha Wah Lukha hapoh u pud u sam jong ka shnong bad nym shah shuh ban pyniap pathar ia ki dohkha dohum ha Wah Lukha.

Ka Dorbar Shnong kala mana tyngeh ba nangne shakhmat ba lada lap ia kiba Wieh dawai bih bad wieh shun ha ki wahduid jong ka shnong bad thang bom dynamite ha Wah Lukha hapoh u pud u ang shnong, yn pynshitom ia ki katkum ki kyndon ain jong ka Dorbar Shnong Sonapyrdi.