Mana ban rung ki bar shnong ha Sohphoh

Syllad | The Rising MeghalayaJuly 27, 2020

Ban iada naka jingsaphriang ka jingpang khlam COVID-19 kaba la sar ruh haka jylla, ka dorbar shnong Sohphoh, West Jaintia Hills District, Meghalaya ka la mana ia ki briew ba nabar shnong ba ym bit shuh ban rung ban mih hapoh shnong bad khamtam ia ki briew ki ba wan na ki jaka ba la shah ktah ha kane ka jing pang.

U Waheh Shnong Sohphoh u Mutshwa Thabah, ula ong ba ka shnong kala mana ruh ia ki briew ki ba ju wan die wan thied hapoh shnong ha ki rukom bapher bapher ban kim bit shuh ban rung hapoh shnong tad haduh ban da pynbeit da kumwei pat. La mana ia ki nongiaid lynti lyngba u surok PWD ba iaid lyngba ka shnong, ba kim bit ban hiar ha ki dukan lane kino kino ki jaka ban iada ia ka jingsaphriang une u jingpang khlam ba shyrkhei bad ban ialeh katba lah ban pynduna ia ka jingiakynduh briew na kiwei ki jaka sha ki wei pat.

Lada don ki kam ba kyrkieh bad ki bymlah shuh ban kiar, kum  ha ka pang ka shitom bad kiwei, ki briew ki dei ban pyntip shwa ia ki nongkitkam shnong ha shwa ba kin rung kin mih hapoh shong bad ki dei ruh ban kynmaw ban bud ryntih ia ki jingbthah jong ka tnad ka koit ka khiah kum ka jingdeng ia ki mask, ka jingiajngai iwei na iwei bad kiwei de lada kiwan sha Sohphoh.