Mana ka shnong Lapangap ban leh pathar iaki lai tylli ki wah

Syllad | The Rising MeghalayaApril 28, 2023

Ban ïada ïaki jingthaw ba im, ka Dorbar shnong Lapangap kala rai ban leh da kaba tyngeh ia kino kino kiba pynsniew iaka sawdong sawkun ka mariang bad kumjuh iaki um ki wah hapoh u pud u ang ka shnong Lapangap.

Ka dorbar shnong kala mana ia kino kino ban leh pathar ha ki wah bad ki sawdong sawkun ki wah kiba don hapoh ka shnong Lapangap kynthup iaka wah Pynthor, wah Mynski bad wah Mynriang.

Ka dorbar shnong ka la khang pyrshah ïaki nongshong shnong bad kiba briew kiba nabar shnong ban shoh dohkha da kaba ber dawai, pynbthei bom, shoh dohkha da kino kino ki tiar ba mynsaw iaka jingheh jingsan ki dohum, khwai jar lait noh tang da kaba khwai da ryngwiang

Lada lap ia kino kino ki briew kiba pynkheiñ iaka adong adit shnong, ka Dorbar shnong kan pynshitom ïaki katkum ka aiñ shnong ryngkat ka jingshaiñ kuna.