Mana ka Synjuk ki 6 Waheh Shnong ban khwai

Syllad | The Rising MeghalayaJuly 25, 2020

Ka Synjuk ki 6 Waheh Shnong ba kynthup iaka shnong Raliang, Nongkynrih, Mulum, Mookyndeng, Mulieh & Madankynsaw-Mowkyndeng ki la shim iaka rai ban khang iaka jingleit khwai shaki wah kiba hap hapoh ka jingpeit jong kitei ki 6 Waheh Shnong.

Katkum u kyrwoh bala phah da u D Shadap u Waheh Shnong Mowkyndeng-Madankynsaw ula ong ba ia kane ka rai la shim haka jingialang kaba la long haka sngi Saitjain haka Shnong Mulum. Kine ki 6 shnong kila mana iaki rawon na kiwei ki shnong kumjuh naki katto katne tylli ki shnong kiba hap hapoh East Jaintia kiba hap ban iaid bad rung lyngba na kitei ki 6 shnong ban sangeh ban wan khwai ha ki wah kiba don ha poh u pud u sam jong kine ki 6 shnong ban iada na ka jingpur ka khlam COVID-19.

Ki wah kiba hap hapoh ka jingpeit jong ka Synjuk ki 6 Waheh Shnong ki kynthup ka wah Myntang naduh Knor shaduh Rymphum, Sakhwe-Myntkung bad ka wah Myntrong.

La shim ruh iaka rai ba ki kali kamai na kitei ki 6-Shnong kin hap ban kit tang iaki nongshong kali kiba don haki shnong jong ki bad ym shah ba kin kit iaki nongleit nongwan ha lynti lait noh ki nongshong shnong jong ki ban suk ban buddien ne contact traciing lada don mano mano ba iabit khlam.