Mana u DM ban tih shyiap haki lai jaka ha Eastern West Khasi Hills

Syllad | The Rising MeghalayaJuly 25, 2023

U District Magistrate ka Eastern West Khasi Hills District, haka hukum ba la pynmih ha ka 20 tarik Naitung katkum ka Section ba 144 ka CrPC, u la mana bad pakhang pyrshah ha kaba iadei bad ka jingtih shyiap ha ki jaka jong ka shnong Langtor, Shyrwang bad Ksehkohmoit kiba hap hapoh ka district.

Kane ka jingpynmih hukum da u District Magistrate ka la wan long hadien ba la ioh pdiang ia ki jingujor halor ka jingdon jong ki briew kiba tih shyiap da kaba pyndonkam ruh ia ki kor ki bor ban pynkhuid ia u shyiap ba lah dep tih bad namar ba kane ka jingleh ka long beain bad ka pynjaboh ruh ia ki wah kiba don marjan kaba kynthup iaka wah Kynshi.

Nalor kata kane ka jingkhang pyrshah ia ka jingtih shyiap ka long ruh namar ka jingbuh jingma ia ki dohum dohwah ha ki wahduid bad wahbah kiba don ha  kitei ki jaka, bynrap shuh shuh ka hukum u District Magistrate.