Mano na ki Home Minister ka Jylla ba nud buh da ki phew tylli BOP ha ki thain khappud ong u ma Lahkmen

Syllad | The Rising MeghalayaDecember 13, 2022

U Ma Lahkmen Rymbui ula buh jingkylli ia u paidbah nongshong shnong ka Jylla bad ki paidbah Amlarem Constituency ba kin kylli kiei ki kam kiba u ma Lahkmen Rymbui um lah ban leh ha kine ki San Snem.

U Ma Lahkmen Rymbui ula kylli mano na ki Home Minister ka Jylla ha kine ki san phew tylli ki snem kiba nud ban buh da ki phew tylli ki Border Police Outpost ha ki thain khappud ka jylla bad thaw ruh bun ki Police Station ha ka Jylla.

Ula ong ruh hato ym dei haka por u Lahkmen bad ong artad ki rekod kin batai iaki ki kam aiu bym lah u Lahkmen ban leh ha Jylla bad ka Amlarem Constituency.

Ia kane u Ma Lahkmen ula ong haba kren haka jingialang pynskhem iaki nongkitkam jong ka UDP Youth Wing 7-Amlarem Constituency haka sngi ba ar ha madan Amlarem.

Ha kane ka jingialang pynskhem nongkitkam la iadonlang u President UDP State Youth Wing Kyrmen Shylla uba long ruh u Myntri Sorkar, u Pius Marwein MLA Ranikor Working President State Youth Wing.

Haba kren shuh shuh ula ong katno ngut kiba iohi ia iaka roi ka par bad katno ngut kiba isih iaka roi ka par kiba heh tang ka jubalak haka por elekshon kum ban leh noh mynta mynta.

“Saw snem nga la sngap iaka jingkren ki jingkynthoh shaphang jong nga, hynrei kane ka por ngan iathuh lut kiei ki kam kiba u ma Lahkmen ula leh,” la ong u ma Rymbui

U Ma Lahkmen ula ong ba ka Sorkar MDA hapoh ka jingialam u Conrad K Sangma bad ma u kum Education Minister kila pynkylla dur iaka jylla bad pynjem iaka jingeh jong ka tnad Pule Puthi ha kiba bun ki liang ban kyntiew iaka pule ka puthi ha baroh kawei ka Jylla.

Nalor kata ula ong ba kum u MLA uba sngewthuh iaka eh ka shon u paidba u la pyrshang har rukom ki jingpyrshang ban wanrah iaka roi ka par ban pynbiang iaka jindonkam u paidbah ha Amlarem Constituency kaba la kot da ki spah klur kata naduh ban pynbiang bad pynbha iaki skul, surok, umbam umdih, ka koit ka khiah ha Amlarem Constituency ban kyntiew iaka kam jngohkai bad kiwei kiwei.

Mynta ka sngi ka dei ka sngi ban sah jingkynmaw haka history ka Jylla namar ba ka cabinet meeting kala rai ban pynkylla iaka dur iaka tnad Education haka jylla. Ula ong ba ka cabinet ka mang ban thung nonghikai ha Shillong Government College Engineering, College of Architecture and Planning Tura, la ong u ma Lahkmen.

Ula ong ruh ba katkum ka National Education Policy ba thymmai donkam iaka kyrdan B.Ed bad kumta ka sorkar kala rai ban sdang noh iaka BA & BCom courses da kaba thung ruh iaki nonghikai bad nongtrei ha College of Teacher Education, Tura.

Shuh shuh ula pynbna ba ka cabinet kala mynjur 12 tylli ki college kum ki People’s College, kata ka Thomas Jones Synod College, West Jaiñtia Hills District, Abong Noga College, West Garo Hills District, Khraw Sing Christian College, East Khasi Hills District, Ri War College, East Khasi Hills, Loyola College, East Garo Hills, Balawan College, Ri Bhoi District, Mawsynram Border Area College, Selsella College, Seng Khasi College, Shillong, Mendipathar College, North Garo Hills, Sngap Syiem Memorial College, West Khasi Hills and Tikrilkilla College West Garo Hills.

U Ma Lahkmen ula iathuh ruh ba la mynjur iaka ordinance ban kylla kyrteng iaka Capt. Williamson Sangma Technical University sha ka Captain Williamson Sangma State University. Kumta ka Jylla kan ioh noh ar tylli ki skulbah ban plie lad iaki College ban iasoh bad kane ka skulbah kaba thymmai.

Ha kaba iadei bad ka Amlarem Constituency ula ong ba ha u snem ban yn sdang noh iaka Commerce Stream ha Nongtalang College bad ka cabinet kala rai ban thung san ngut ki nonghikai. Iaka Pdengshakap residential skul ruh yn sdang noh ha snem ban wan.

Kawei pat ka skul kaban plie thymmai ka dei ha Umladkhur kaba la kot 40 klur kaba la bei pisa da ka NESTS

Ula pynbna ruh ba ka sorkar kala pynmih iaka jingpynbna 9/12/ 2022 ban kyntiew kyrdan noh iaka Jarain PHC sha ka Sub Divisional Hospital bad ia yn plie paidbah haka 20tarik une u bnai.

Ki Nongkitkam Jong Ka UDP Youth Wing 7-Amlarem Constituency

President                                       

Namrhen Pohtam

Vice President:                             

Samuel Nongrum (War East)

Aleo Nongrum (Central)                     

Signal Lamin (War West)

Manbhami Ryngkhlem (North)

General Secretary:                      

Lambert Khonglah

Asst. Secretary:                           

Aron Pohti – Darrang

Rihun Tariang – Thangbuli

Organizing / Publicity Secy:   

Stalwos Pohkyrnu (Trangblang)

Finance Secretary:                      

Kyrpang Pohtam (Kudeng Rim)

Advisor(s):                                     

Medeling Swer

Kampher Pohlong

Herman Khonglah

Members (East):                          

Keepme Buam (Jong-U-Shen)

Progres Pohrmen (Kharkhana)

Phinel Muksor (Pdengkseh)

Evermore Pamthied (Amjalong)

Junom Dkhar

Members (Central):                    

Eglissonroyce Manner (Sohkha)

Moonlight Lamat (Mawlong)

Shngainlang Suting (Jarain)

Long Myrchiang (Shkentalang)

Joshwa Lamare

Members (West):                        

Mondiam Khonglah (Lamin)

Polin Pohlong (Khonglah)

Welly Pohlong (Nongbareh)

Aiborlang Pohshna (Mawngap)

Members (North):                                  

Amir Shylla (Iongnoh)

Barrister Bang (Mustem)

Sorje Talang (Chyrmang)

Bapung Mulat (Umladkhur)