Map bai pyniasoh ka WJDSA, wer ia ki klob thymmai

Syllad | The Rising MeghalayaMarch 3, 2021

Kan long kaba khubor kaba bha ia ki klob kiba la iasoh (affiliated) bad ka West Jaintia District Sports Association (WJDSA) kim don kam ban siew bai renewal na ka bynta u snem 2021. Katba ia ki klob kiba thymmai kiba kwah ban iasoh bad ka WJDSA ka jingkhang ka plie iaki tad haduh ka 31 tarik une u bnai.

U Hony General Secretary ka WJDSA, u ma Lammat OO Laloo ula ong “Ka WJDSA kala shim iaka rai ba mynta ka samoi 2021 baroh ki klob kiba la dep iasoh bad ka WJDSA kim don kam shuh ban siew iaka bai renewal affiliation, lait noh ki klob ki ban dang iasoh thymmai kin hap ban pynbiang ia baroh ki jingdonkam katkum ka rukom pyniaid kam ka WJDSA.”

U ma Lammat OO, ula khot bad wer ia baroh ki klob ban pynpoi iaki kot ki sla ha shuwa ka 31 tarik bad kino kino ki jingtip ba khambniah ki lah ban phone ha une u nomber 9436106399.