Mar san kilo u khaw ai jingiarap ka WJNC ha Iooksi Saphai

Syllad | The Rising MeghalayaApril 5, 2020

Ka West Jaintia National Council (WJNC) ban kyrshan ia kiba duk ba kyrduh ha kum kane ka por ba khang khyrdep ka shnong ka thaw ban iakhun ia u COVID-19, kala ai jingiarap da u khaw mar san kilo ha ki katto katne tylli ki shnong ha Iooksi bad Saphai.

Ha kane ka jingleit ai mar bam sha ki longïing ba duk la ialam da u Kitborlang Dkhar ryngkat ki nongialam ka WJNC-Iooksi Circle bad ki la ai jingiarap da kaba sam mar 5 kilo u khaw sha ki 4 tylli ki shnong bakynthup ka shnong Biar, Khonshnong, Shaphai bad Iooksi West Jaintia Hills District.

Ha Saphai haduh 16 longiing, 10 longiing ha Iooksi, 6 longiing ha Biar bad 13 longiing ha Khonshnong bad ha katei ka jingsam khaw la synrang lang da ki pulit jong ka Saphai Out post.

Ka WJNC ka kyntu ia baroh kynhun sengbhalang, balang bad ki riew shimet ba kin sngewbha ban iarap lem ïa kiba duk ba khyrduh ha kum kane ka por namar ba bun ki longïing baduk kila shah ktah namar ba kim ioh ka lad ban leit trei leit ktah ban pyndap iaka jingdonkam ha ki iing ki sem jong ki.