Mar T.50 hajar synniang u ma Nujorki Sungoh sha ki longiing ha Mowkaiaw

Syllad | The Rising MeghalayaJuly 2, 2020

U MLA jong ka Mowkaiaw ma Nujorki Sungoh ula noh synniang da ka pisa kaba mar T.50 hajar sha ki 14 tylli ki longiing ban kyrshan iaki ha kaban shna iaki iing ki sem haka sngi Balang.

U MLA jong ka Mowkaiaw ula aiti iaki work order sha baroh kiwei ki 14 tylli ki longiing haka shnong Mowkaiaw. Kine ki longiing ki kynthup iaka iing jong ka kong A Suchiang, Kong T Shylla, Kong D Suchiang, Kong M Lamare, Kong R Lyngdoh, Kong S Suchiang, Kong R Suchiang, Kong J Shylla, kong S Suchiang, Kong D Lapasam, Kong M Rymbai, Kong J Dkhar, Kong I Phawa bad Kong R Suchiang.

Ia kine ki work order la leit ban aiti da u President UDP Mowkaiaw u Ma Eleazer C Dkhar sha baroh kitei ki longiing.

Baroh kine ki longiing katkum u kyrwoh ba kila phah sha u syllad.com kila pynpaw ka jingsngewnguh ia u MLA ka Mowkaiaw halor ka jingiohi jong u iaka jingeh ka shon jong ki na ka bynta ban shna iiing ki sem jong kiba la donkam ban maramot.

“Ngi kum ki longkmie ngim lah shuh ban siew kylliang eiei ia u MLA jong ngi uba la kyrshan ia ngi ha kaban shna iaki iing jong ngi ha kum kine ki por ba hiran ka ioh ka kot,” la u kyrwoh bala phah kine ki longkmie.

Kila ai khublei ruh ia u ma Eleazer C Dkhar uba dei u President jjong UDP Mowkaiaw Constituency uba la shimkhia ban iakren bad u MLA ban pynioh ia kane ka lad jingiarap ban shna iing.