Maramot hi u paidbah iaka surok na Myntang sha Myrjiang, kner jingiarap u kyrtong ban iakhun elekshon MLA

Syllad | The Rising MeghalayaAugust 20, 2022

U paidbah ka thain khappud Assam Meghalaya, kaba hap haka thain Mowkaiaw Constituency kiba kynthup iaka shnong Psiar, Khatkasla kila maramot iaka surok na wah Myntang sha Myrjiang haka sngi Thohdieng.

Ia kane ka jingmaramot surok la pynlong da ka jingsynniang u kyrtong ka Congress Nehemayah Tyngkan uba kwah eh ban iakhun biang iaka elekshon MLA 2023 na Mowkaiaw Constituency kaba u MLA ba mynta u dei u Nujorki Sungoh.

Kane ka jingmaramot surok ha katei ka thain la synniang iarap da une u kyrtong. Dangshen la maramot da kaba theh khyndew bad siang maw iaka surok haka thain Iooksi, Mooshrot Laskein bad mynta na Myntang sha Myrjiang kaba pyniasoh iaki shnong khappud na Sahsniang shaduh sha Psiar, Khatkasla- Jrikyndeng ter ter.

Naka Liang ki paidbah nongshong shnong katei ka thain kila pynpaw iaka jingkmen iakatei ka jingshimkhia u kyrtong Congress ban maramot iaka surok namar ba kala pynjem iaka jingeh haka leit ka wan na katei ka surok.