Maramot ka PWD iaka surok PMGSY na Mukhla Shohshrieh sha Mupliang

Syllad | The Rising MeghalayaOctober 24, 2021

Ka ophis u Executive Engineer PWD (Roads) Jowai Central Division, Jowai ka la pynlong ïaka jingmaramot ne “Maintenance Drive” ïaka surok Pradhan Mantri Gram Sadak Yojana (PMGSY) na Mukhla Shohshrieh, Myrjai sha Mupliang haka sngi Saitjain.

Kane ka surok PMGSY ka don iaka jingjrong kaba 9.966 Km.

Ïaka surok PMGSY la dep pyntrei naduh u snem 2019 bad la pyntrei ïaka da u Kontraktor Lingias Dkhar.

Ia kane ka kynhun ban pynkhuid bad maramot iaka surok na Mukhla Shohshrieh sha Mupliang la ialam da u M Tang Executive Engineer PWD (Roads) Jowai Central Division, u Happy Pakynteiñ AEE, u Steventhson Challam JE, u Anderson Manner JE, JM Laloo JE, u D. Ïongwai JE bad kiwei kiwei.

Ha kane ka “Maintenance Drive” la pynlong iaka jingpynkhuid ïaki ñuit, ki nala (Side Drain), ki signboard, ki maw kilometer bad kiwei kiwei de ban shngain ka iaid ka ieng ha surok.

Ka Ophis u Executive Engineer PWD (Roads) Central Division, Jowai kala pynlong ia kane ka prokram kum shibynta ka jingrakhe iaka Azadi ka Amrut Mahotsav ne ka jinglehkmen iaka jingdap 75 snem ka jingiohlaitluid ka ri, katkum ka jingbthah ka NRIDA (National Rural Infrastructure Development Agency) ka ba hap haka jingpeit ka MORD (Ministry of Rural Development) jong ka sorkar pdeng ba ki jylla kiba pyntrei iaka skim PMGSY kin pynlong iaki prokram ban rakhe iaka jingioh laidluid ka ri.