Meghalaya Games: Jop ka East Garo Hills haka sngi sdang ka U-17 Football

Syllad | The Rising MeghalayaJanuary 15, 2025

Ka lympung ialehkai Meghalaya Games kaba hynriew kala sdang da ka jingialehkai phutbol jong ki khynnah Under-17 ha madan Kiang Nangbah Stadium haka15 tarik Kyllalyngkot.

Haka sngi sdang la pynlong lai tylli ki jingialehkai ha kaba ka East Garo Hills kala khur namjop da kaba pynliem da 4-2 South West Garo Hills.

Haki artylli ki jingialehkai, ki jingiakhun kila kut noh da ka jingiakhaid kaba mar 1-1 kata hapdeng ka South West Khasi Hills pyrshah iaka East Khasi Hills, ka East Jaiñtia Hills pyrshah iaka Ri-Bhoi.

Haka 16 tarik Kyllalyngkot ka jingialehkai kan long hapdeng ka kynthei, ka South West Garo Hills pyrshah iaka West Garo Hills haka por 8:00 baje mynstep, East Khasi Hills pyrshah iaka North Garo Hills haka por 10:00 baje mynstep, East Garo Hills pyrshah iaka East Jaiñtia Hills haka por 12.00 mynsngi, ka South West Khasi Hills pyrshah iaka West Khasi Hills haka por 2:00 baje nohphai sngi.