Meghalaya Games: Jop ka East Khasi Hills, East Jaintia Hills bad kiwei haka football ki kynthei

Syllad | The Rising MeghalayaJanuary 16, 2025

Ka lympung ialehkai bah ka jylla ka 6th Meghalaya Games 2025 haka 16 tarik Kyllalyngkot ka la bteng da ki 4 tylli ki jingialehkai phutbol jong ki kynthei ha madan Kiang Nangbah Stadium, Jowai.

Haba phai sha ka jingialehkai, kaba nyngkong ka East Khasi Hills kala jop kput da 11-2 pyrshah iaka North Garo Hills, ka West Garo Hills kala pynliem iaka South Garo Hills da 4-0.

Katba ka East Jaintia Hills kala jop da 2-1 pyrshah iaka East Garo Hills, katba ka South West Khasi Hills kala jop iaka West Khasi Hills da 1-0.

Haka 17 tarik Kyllalyngkot ka jingialehkai kan long 4 tylli hapdeng ki shynrang kata ka Eastern West Khasi Hills pyrshah iaka West Khasi Hills haka por 8:00 mynstep, ka West Jaiñtia Hills pyrshah iaka South West Garo Hills haka por 10:00 mynstep, ka West Garo Hills pyrshah iaka South West Khasi Hills haka por 12:00 baje mynsngi, ka North Garo Hills pyrshah iaka East Jaiñtia Hills haka por 2:00 nohphai sngi.