Meghalaya Games: Jop ka West Jaintia Hills 9-0 iaka South West Garo Hills, ka East Jaintia Hills iaka NGH bad kiwei

Syllad | The Rising MeghalayaJanuary 18, 2025

Haba bteng biang iaka jingialehkai football jong ki shynrang haka Under -17 jong ka Meghalaya Games kaba hynriew, ka West Jaintia Hills kala jop da 9-0 iaka South West Garo Hills, ka East Jaintia Hills kala pynliem da 3-0 iaka North Garo Hills.

Ia kane ka jingialehkai la pynlong ha Kiang Nangbah Stadium haka 17 tarik Kyllalyngkot.

Kiwei pat ki resol ka long ba ka West Khasi Hills kala jop iaka Eastern West Khasi Hills da 3-0.

Ka South West Khasi Hills kala pynliem da 8-3 iaka West Garo Hills da 8-3.

Haka 18 tarik Kyllalyngkot ka jingialehkai kan long hapdeng ki kynthei haka kyrdan senior, Ka West Garo Hills pyrshah iaka West Jaintia Hills haka por 8:00 baje mynstep, ka Eastern West Khasi Hills pyrshah iaka East Khasi Hills haka por 10:00 baje mynstep, ka Ri-Bhoi pyrshah iaka East Garo Hills haka por 12:00 baje mynsngi, ka West Khasi Hills pyrshah iaka South West Khasi Hills haka por 2:00 baje nohphai sngi.