Meghalaya Games: Jop ka West Jaintia Hills, East Khasi Hills bad Ri Bhoi haka football ki kynthei

Syllad | The Rising MeghalayaJanuary 19, 2025

Ka West Jaintia Hills, East Khasi Hills bad Ribhoi District kila khur jingjop haka jingialehkai ialehkai 6th Meghalaya Games jong ki kynthei kaba long ha madan Kiang Nangbah Stadium Jowai haka 18 tarik Kyllalyngkot.

Haba phai shaka jingialehkai kaba nyngkong ka West Jaintia Hills kala pynliem iaka West Garo Hills da 3-1, ka East Khasi Hills kala pynliem iaka Eastern West Khasi Hills da 1-0.

Ka Ribhoi District kala jop bunkol da 9-0 iaka East Garo Hills bad ka jingialehkai hapdeng ka West Khasi Hills pyrshah iaka South West Khasi Hills kala kut da ka jingiakhaid mar 3-3.

Ka jingialehkai kaba bud jong ki shynrang Under-17, ka West Khasi Hills kan iakhun pyrshah iaka Eastern West Khasi Hills 8:00 AM, East Garo Hills pyrshah iaka West Jaiñtia Hills 10:00 AM, East Khasi Hills pyrshah iaka West Garo Hills 12:00 PM, ka Ri-Bhoi pyrshah iaka North Garo Hills 2:00 PM.