Meghalaya Games: Khur takma bun eh ka East Khasi Hills, ka Wandalang Malngiang kum ka nongialehkai Gymnastic ba tbit tam

Syllad | The Rising MeghalayaJanuary 23, 2025

Ka East Khasi Hills District ka dei ka district kaba la ioh ban khur bun eh ki takma ha ka lympung ialehkai 6th Meghalaya Games, kata haduh 41 tylli ki takma ksiar haka 22 tarik Kyllalyngkot.

Ka West Jaintia Hills kaba bud ryngkhi iaka East Khasi Hills kala khur 7 tylli ki takma ksiar bad ka Eastern West Khasi Hills 5 tylli ki takma ksiar.

Ha ka jingialehkai Gymbastic ka Wandalang Magdalene Malngiang na East Khasi Hills ka la shah jied kum ka nongialehkai ba tbit tam (Overall Championship) namar ka jingtbit haba iashim bynta ha baroh ki bynta jong ka jingialehkai.

Ha ka liang ki shynrang: Ha ka thup ki Senior Boys, u Darren Teinam Khonglam na EKH u la jop ia ka takma ksiar ha ka Floor Exercise (8.40 point) bad Vaulting Table (10.20 point). U Atharva Dixit na EKH u la ioh ia ka takma rupa (8.20 bad 7.80 point), katba u Nathaniel Malngiang na EKH u la ioh khur ia ka takma rnong ha baroh ar (4.20 bad 6.20 point).

Ha ka thup Mini Boys: U Aibanlang Khongphai na EKH u la jop ia ka takma ksiar ha ka Floor Exercise (3.80 point), u Emmanuel Mankhraw Malngiang na EKH u la ioh ia ka takma rupa (3.00 point) abd u Bawanshwa Lyngdoh na EKH u la ioh ia ka takma rnong (2.90 point).

 Ha ka thup ki kynthei: Ha ka Sub Junior Girls, ka Wansaphi Bernadette Malngiang na EKH ka la ioh khur ia ka takma ksiar ha ka Floor Exercise (5.80 point), ka Wansuk Mery Susngi na EKH ka la ioh ia ka takma rupa (5.20 point) bad ka Sa-I-Bakor K Tariang na EKH ka la ioh ia ka takma rnong (4.90 point).

Ha ka jingialehkai Vaulting Table: Ka Sa-I-Bakor K Tariang ka la jop ia ka takma ksiar (7.20 point), Wansuk Mery Susngi ia ka takma rupa (6.20 point), bad ka Wansaphi Bernadette Malngiang ka la jop ia ka takma rnong (6.00 point).

Ha ka jingialehkai Balancing Beam: Ka Wansuk Mery Susngi ka la ioh ia ka takma ksiar (8.40 point), Wansaphi Bernadette Malngiang ia ka takma rupa (6.20 point), bad ka Raffellia Malngiang ia ka rnong da (6.10 point).

Ha ka thup Junior Girls: Ka Josephine Isabel Warjri na EKH ka la jop ia ka takma ksiar ha ka Floor Exercise (9.50 point), ka Bakmenhun Shangpliang na EKH ka la ioh ia ka takma rupa (7.90 point), bad ka Athilia Susngi na EKH ka la ioh ia ka takma rnong (6.21 point).

Ha ka Vaulting Table: Ka Bakmenhun Shangpliang ka la ioh ia ka takma ksiar (10.50 point), ka Josephine Isabel Warjri ka la ioh ia ka takma rupa (10.40 point), bad ka Daniella Ameda Wahlang ka la ioh ia ka takma rnong (6.50 point).

Ha ka Balancing Beam: Ka Bakmenlang Shangpliang ka la ioh ia ka takma ksiar (6.60 point), Josephine Isabel Warjri ia ka takma rupa (4.80 point), bad ka Edeva Synnah ia ka takma rnong da 4.70 point.

Ha ka thup Senior Girls: Ka Wandalang Magdalene Malngiang na EKH ka la long ka nongjop ia ka takma ksiar ha ka Floor Exercise (10.20 point), bud sa ka Agnes Lyngdoh na EKH ia ka takma rupa (5.40 point), bad ka Larihun Generosa Malngiang na EKH ia ka takma rnong (4.40 point).

Ha ka Vaulting Table: Ka Balasiewdor Malngiang ka la jop ia ka takma ksiar (7.40 point), ka Wandalang Magdalene Malngiang ia ka takma rupa (7.20 point), bad ka Larihun Generosa Malngiang ia ka takma rnong (2.40 point).

Ha ka Balancing Beam: Ka Wandalang Magdalene Malngiang ka la ioh ia ka takma ksiar (5.40 point), ka Catherine Kavela Marbaniang na EKH ia ka takma rupa (3.10 point) bad ka Agnes Lyngdoh ia ka takma rnong (2.90 point).

Ha ka thup Mini category: Ka Ruffina Malngiang na EKH ka la ioh ia ka takma ksiar ha ka Floor Exercise (7.90 point), ka takma rupa ka leit sha ka Iwandakmen Lyngkhoi na EKH (7.60 point), bad ka takma rnong sha ka Bimiksa Pangmae D Sangma na West Garo Hills (7.20 point).

Ha ka Balancing Beam: Ka Ruffina Malngiang ka la ioh ia ka takma ksiar (5.20 point), ka Bimiksa Pangmae D Sangma ia ka takma rupa (4.10 point), bad ka Adel Risa Malngiang na EKH ka la ioh ia ka takma rnong da (3.10 point).