Mih ia aireng u Ma Richard Lyngdoh MDC na Mynso-Nongjngi

Syllad | The Rising MeghalayaJanuary 10, 2025

U Ma Richard Singh Lyngdoh MDC ba mynta sa shisien pat u rai la mih shakhmat ban ia aireng biang ha kane ka elekshon MDC ka ban wan sha ka Jaintia Hills Autonomous District Council (JHADC) napoh 9 – Mynso Nongjngi Constituency kaba hap ha West Jaintia Hills District.

Lyngba u kyrwoh u Ma Richard u la pyntip ruh ba ha kane ka kynti kaba mynta un mih ban iakhun ia kane ka elekshon na ka party Congress.

Lah ban kdew ba u Ma Richard u dei uba la jop haduh saw samoi kynthih ha ka elekshon MDC sha ka JHADC, kata ha u 2004 na 24 Sutnga-Narwan Constituency, 2009 na 26 Sumer bad 2014-2019 na ka 25 Sutnga Nongkhlieh Constituency kiba hapoh East Jaintia Hills District.