Mih jingklumar hadien ka jingialang CM Conrad bad ki sengbhalang ha Tura, mynsaw 5 ngut ki pulit

Syllad | The Rising MeghalayaJuly 24, 2023

Hadien ka jingklumar naka jinglun maw iaki bor pahara hakhmat ka ophis ka CM Secretariat ha Tura kaba la wanrah iaka jingskut u CM bad mynsaw 5 ngut ki pulit pahara, ka bor synshar district jong ka West Garo Hills District kala pynjari mardor da ka night curfew.

U Myntri Rangbah ka Jylla Conrad K Sangma bad ka kynhun jong u kila sahkut ha Chief Minister Office Secretariat, Tura naka jingklumar kaba jia haka janmiet jong ka sngi Nyngkong, haka jaka pynlong iaka jingialang hapdeng jong u myntri rangbah bad ki Sengbhalang ACHIK, GHSMC kaba la pynlong ruh iaka jingshah thngan la bun sngi ban dawa winter capital ha Tura bad ban pyntreikam iaka Roster System.

Ka jingklumar kala mih hadien ba ki ba ki katto katne kim hun ia kaei kaba la mih na kane ka jingialang.

Ha kane ka jingjia 5 ngut ki pulit pahara kila mynsaw bad na kaliang ki Pulit kila kawang tyndong lyer pynsat khmat ban pynpra ia u paidbhur uba la lum ha katei ka jaka.

U kyrwoh naka ophis u CM ka ong baka jngialang kalong kaba iaid beit bad kala neh haduh 3 kynta bad kala long kaba seisoh. Ha kaba na kaliang u CM ula khot iakren iaki sengbhalang sha Shillong, ka tarik bym pat thikna bha haka 8-9 tarik Nailar.

Haduh ba thoh iaka khubor, ki bor pulit kila lah ban tem iaka jingklumar.

Na kaliang ka bor District jong ka West Garo Hills hadien kane ka jingjia ia klumar ban tem iaka jingklumar bad pynneh iaka shongsuk shongsain kala pynjari mardor da ka kophiw miet.

Nakaliang u CM ula pynbna lad jingiarap kaba T.50 hjar marwei sha ki pult kiba mynsaw bad baroh ki jinglut jngsep ban sumar.