Mih ka JAF ban iakhun pyndam iaka kharkhana sain rnga dewiong ha Elaka Rymbai

Syllad | The Rising MeghalayaJuly 14, 2020

Ka Joint Action Forum (JAF) kaba kynthup iaka iaki saw tylli ki sengbhalang na East Jaintia Hills District, ka SBYWA, JSM, JYF, NEIF bad saw tylli ki shnong ka Umsatai, Ladwahwapung, Deinsatlang, Pynurkba kila rai ban mih shakhmat ban pyrshah iaka jingbuh iaka kharkhana sain rnga dewiong ha ha Wah Deinling, Elaka Rymbai.

Kane ka kharkhana sain rnga dewiong ka dei ka M/s Unique Industry Coke Factory, kala ioh iaka NOC ban shna iaka kharkhna na ka JHADC naduh u bnai Lber 3, 2020.

Ban pyrshah ia kane ka jingbuh ia kane ka kharkhana ka SBYWA, ka JSM bad ka JYF, NEIF kila wan haka juh ka miej ryngkat ka jingkyrshan ki saw shnong ban thaw iaka JAF ban mihshakhmat ban pyrshah iaka jingbuh ia kane ka kharkhana khlem ka jingtip u paidbah ka shnong Umsatai, Deinsatlang, Ladwahwapung bad ka shnong Pynurkba.

Ai NOC ka JHADC ban sain rnga dewiong, u MDC ka thain um don jingtip ong ka SBYWA bad ka JYF

Ia ka JAF yn khlieh iaka da u Shnalad Rymbai kum u chairman uba longb ruh u President-JSM ER, Vice-Chairman-Skhembor Shadap-President SBYWA, Working Chairman-John Pala -President JYF EJHDU, Secreatry-Namphrangmi L Talang uba long u general secretary ka SBYWA bad Asst. Secretary ia u Desefirming Rymbai- Vice President NEIF-SEBR,.

Ki dkhot ka JAF ki kynthup iaki secretary shnong jong ki saw shnong bad nongialam bad dkhot sengbhalang.