Mih ka Meghalaya Truck Owners’ and Supplier Association, lashai ka jingialang pynskhem nongkitkam

Syllad | The Rising MeghalayaNovember 25, 2021

Ki tri trok bad ki supplier haka jingialang kaba long haka 23 tarik Naiwieng kila seng ia ka Meghalaya Truck Owners’ and Supplier Association (MTOSA) bad la rai ban lum ia ka jingialang paidbah haka 26 tarik une u bnai na ka bynta ban jied ia ki nongkitkam ba pura.

Ki Convener jong kane ka jingialang kiba kynthup ia u ma Balen Thubru bad u ma Justine Phawa kila pyntip ba ia kane ka jingialang yn pynlong ha Hynniawmer (7 mer), mar pyrshah ka Tollgate, Ialong Pasyih, West Jaintia Hills ha ka por 11:00 am.

U Ma Thubru ula khot wer ia baroh ki trai truck bad ki suppliers ba kin pyllait ia ka por jong katei ka jingialang.

Ka nongrim bala seng ia kane ka seng ka long halor ka jingeh ba ki trai trok ki la ia kynduh na ka por sha ka por khamtam eh ba ym don shuh ki nongialam kiba shimkhia ia kine ki jingeh ha kaba iadei bad ka kit ka bah.