Mih ki kynthei ban long dkhot ka KSU ha Jaintia Hills

Syllad | The Rising MeghalayaJuly 20, 2020

Ka Khasi Students’ Union (KSU) Jaintia Hills District Unit kala thaw sa kawei ka tnad treikam jong ka kaba la tip kum ka Bamkamar unit haka 18 tarik Unit une u bnai bad ha kane ka tnad ki don ruh ki kynthei kiba la mihshakhmat ban long ki dkhot jong ka KSU.

Ki don haduh saw ngut ki kynthei kiba la pyniasoh ialade bad ka KSU bad kine ki kynthup iaka Tiewmon Suting kaba bat iaka kam Education Secretary, ka Iulinda Suting kaba bat iaka Finance Secretary bad arngut ki dkhot ka Barisuk Suting bad ka Banrilang Langshiang.

Kane ka tnad treikam kaba dang thaw thymmai ka KSU kan hap hapoh ka KSU Jowai Circle.

Ki nongkitkam ka KSU Bamkamar Unit ki kynthup ia u Elmiki Lynshiang kum u President, Banshlur Mukhim Vice President, Francis Suting General Secretary, Nibroi Suting Assistant General secretary, ka Tiewmon Suting Education Secretary, Teilang Nongrum Assistant Education Secretary, Restine Rynjah Organising Secretary, Mechanmi Nongrum Assistant Organising Secretary, ka Iulinda Suting Finance Secretary, Riki Nongrum Assistant Finance Secretary, Publicity Secretary Raplin Rynjah, Premut Suting Assistant Publicity Secretary bad 14 ngut ki EC Members.

Ia ki nongialam bad ki dkhot ka Bamkamar la pynskhem da u President KSU Jaiñtia Hills District Unit Ohibait Dkhar haka jingiadonlang u Finance Secretary KSU Jaiñtia Hills District Unit SS.Niangti. U Publicity Secretary KSU Jaiñtia Hills District Unit u Nangaibormi Sutnga ula pyniaid iaka jingialang.