Mih ki nongkyrshan Congress UDP ban iasoh NPP ha Sutnga Saipung

Syllad | The Rising MeghalayaSeptember 29, 2022

Da ki phew ngut ki dkhot bad nongkyrshan ka United Democratic Party (UDP) bad Congress kila pyniasoh noh ialade sha ka seng National People’s Party (NPP) ha Sutnga Saipung Constituency haka sngi Balang.

Kine ki nongkyrshan Congress ki kynthup ia u MDC barim ka Congress u Moya Darnei bad ki nongbud jong u, katba na ka UDP ki dei u Zosiama Thianglai uba juh long teng u kyrtong MDC na Saipung Constituency ha u snem 2019.

Kiwei pat ki dei ki nongkitkam ka UDP na Siapung ki kynthup ia u president Kungliana Darnei, vice- president Thianga Nampui, general secretary Sangpuia Nampui bad assistant secretary Lalrama Nampui bad kiwei kiwei ki nongkyrshan ka UDP.

Ia kine ki nongkyrshan ka Congress bad UDP la pdiang burom iaki da ka kyrtong ka NPP kaba long ruh ka president Sutnga Saipung Block kong Santa Marry Shylla.

Kine ki nongkyrshan ka UDP bad Congress kila ïathuh ba ki kwah ban kyrshan ïa ka NPP bad ïa ka Kong Santa Marry Shylla ha ka election MLA 2023 na ka bynta ban wanrah ïaka roi ka par hapoh ka constituency bad īa ka thaiñ Saipung kaba la shah iehbeiñ ha ki 15-20 snem ba la dep.

Kiwei kiwei kiba iadonlang ki kynthup ia MDC Sutnga Narwan Seibor Shadap, MDC barim JHADC Joirinwel Pyrtuh, Thomas Nongtdu bad kiwei kiwei ki nongialam na ki shnat treikam ka NPP ha East Jaintia Hills