Mih ki nongshong shnong ka Namdong B ban ai tika COVID-19

Syllad | The Rising MeghalayaJuly 9, 2021

Ki paidbah nongshong shnong ka Namdong B haka sngi Palei kila mih shakhmat ban ai tika COVID-19.

U Waheh Shnong Namdong B, U Ma DS War ula ong ba ki paidbah kila sngewthuh iaka jingkongsan ka koit ka khiah jong ki bad khlem don mano mano ba pynbor kila wan da ka mon sngewbha ban ai iaka tika COVID-19 kum shi bynta ban iada ialade na ka jingpang khlam COVID-19.

Kane ka jingai tika COVID la pynlong da ka jingiatreilang bad ka Namdong PHC.

Ka Dorbar shnong kala kyntu ia kiwei ruh ban wan ai iaka tika COVID-19 khnang ban iada ialade shimet bad ia kiba haiing hasem bad ban tem ruh iaka jingpur ka khlam.

Ka bor shnong kala banjur iaki paidbah ba kim dei ban ngeit biej iaki khubor lamler bad kyntu ruh iaki para shnong para thaw ba kim dei ban pynsaphriang iaki khubor thok halor ka jingai tika COVID khnang ban iada na ka jingsaphriang ka jingpang khlam.