Mih ki samla ka Jowai ban pynkhuid iaki jaboh plastic ka wah Myntdu ha Syntu Ksiar

Syllad | The Rising MeghalayaMay 31, 2020

Ar ngut ki samla ka shnong Jowai ba kynthup ia u D Gatphoh bad u D Rymbai ki la hiar sha sha Syntu Ksiar ka bynta jong ka Wah Myntdu haka Sngi U Blei ban pynkhuid iaki jaboh jabain kiba rong ka umsaw haka jingshlei um ha kine ki khyndiat sngi.

Da ka jingialam khmat kine ki arngut ki samla, kiwei ruh kiba sngewkhia halor kane ka jingjakhlia ka bynta jong kane ka wah khamtam haka jaka kaba la ai jingiada iaki dohkha (fish sanctuary) kila snohkti lang ban pynkhuid iaki ba jaboh plastic kiba la wan rong ka umsaw ha kane ka wah.

Kane ka jingiakhun ban jop iaki jaboh plastic, kadei ka nuksa kaba kiwei ki nongshong shnong ka Jowai ki dei ban ia bud bad snohktilang khnang ban wanrah biang iaka dur kaba itynnad jong ka wah Myntdu bad ka Syntu Ksiar kaba la syrtap da ki jaboh plastic ha baroh shilynter.