Coronavirus: Mih ki Volunteer ka RSS ban ialap ban kiar na ki jaka bun briew ha Jowai

Syllad | The Rising MeghalayaApril 1, 2020

Ki Volunteers jong ka Rashtriya Swayamsevak Sangh (RSS) kila mih shakhmat ban ialap ban iakhun ban iada naka jingpur u khniang coronavirus da kaba rah iaki kot lyngkdop ha kylleng ki basa iew bad ki jaka ieng kali ha Jowai mynta ka sngi.

Ki volunteer jong ka Rashtriya Swayamsevak Sangh (RSS) kila leit ha manla ki jaka iew bad jaka bun briew da kaba phong iaki uniform jong ki ryngkat ka kot lyngkdop ha Iawmusiang, Ladthadlaboh bad kiwei kiwei ki jaka kumjuh sha ki ïing ki sem ban ïalap ïaka jingbthah ka koit ka khiah bad ka sorkar ban jngai uwei na uwei ha ki jaka ba bun briew ne ka Social Distancing ban ïakhun ban pyndkut ïa u kynjri jingpur u khniang Coronavirus.

Nalor kata kine ki volunteer ka RSS kila pynshai ruh ïaki paidbah ban deng iaki mask ban ïada na une u khniang uba la sar kylleng ki ri ka pyrthei bad shim ruh da ki hajar hajar ka jingim jong ki briew.