Mih noh u Martin M Danggo na ka BJP

Syllad | The Rising MeghalayaOctober 8, 2024

U MLA barim ka Ranikor u Martin M Danggo ha ka 7 tarik u Risaw u la pyntip ba u la iehnoh kam na ka Seng Bharatiya Janata Party (BJP).

Ha ka shithi sha u President ka BJP ka Jylla u Rikman G Momin, u Danggo u la ong, “Da kane Nga pyntip ba Nga la iehnoh ia ka kam kum u dkhot jong ka Bharatiya Janata Party ka Jylla namar ki daw shimet.”

U Danggo u la pyniasoh sha ka BJP hashwa ka elekshon sha ka iingdorbar thaw ain ha u 2023 hadien ba la pynbna kum u kyrtong jong ka party synshar National People’s Party (NPP). U la shah pynlem noh ha u sitting MLA ka Ranikor u Bah Pius Marwein na ka Seng United Democratic Party (UDP).

Une u nongmihkhmat barim uba la jop haduh san sien u la iehnoh kam ruh kum u MLA ka Congress ha u 2018 bad pyniasoh sha ka NPP, kata hadien ba ka sorkar MDA 1 ka la kyntiew kyrdan ia ka Ranikor Block sha ka Civil Subdivision kaba pura.

Hynrei, u la shah rem noh ha ka elekshon shiteng samoi ba la pynlong ha u juh u snem ha u kyrtong ka UDP.