Phet u MDC Trinamool Congress bym kynthup iaka motion haka mat iakren haka dorbar lyuir ka JHADC

Syllad | The Rising MeghalayaJuly 8, 2024

Marsien sdang ka Dorbar Lyiur kaba shi sngi jong ka Jaintia Hills Autonomous District Council, haka 8 tarik Naitung, la sakhi iaka drama hadpeng u chairman ka JHADC u Dr Sankey Shangpung bad u MDC ka liang pyrshah na ka seng Trinamool Congresss u Bah Andrew A Shullai.

U bah Shullai uba dei u MDC jong ka Jowai Central konstitwensi u la khie bitar halor ka jingbym don ka motion jong u ha ka thup jong ka dorbar lyuir.

U bah Shullai u la ai ia ka motion halor ka jingdonkam ban pyntreikam iaka e-governance bad ka digitization ha JHADC bad u la dawa ia ka jingpynshai na u Chairman ba balei ba ym shym la buh ia kane ka mat haka dorbar.

U Dr. Shangpung u la pyntip ba baroh ar tylli ki kam la pyntreikam da ka JHADC kumta u la kyntait ban pynrung ia ka motion ban iakren.

U bah Shullai u la kynthoh pyrshah ia u Chairman bad u la pyntip wat tang website jong ka JHADC ym shym la update, hato ka dei kane kaba “phi pyntreikam ia ka digitalization,” la kylli u Andrew bad mih noh na iing dorbar ban pyrshah ia ka jingkyntait iaka motion jong u  da u Chairman

Hadien kane kala don ka kynta kylli jingkylli kumba ju long, bad ka iingdorbar kala kynmaw burom ruh iaki arngut ki MDC barim kiba la khlad noh, u (L) Saron Ksoo bad u (L) Philemon Lyngdoh.

U CEM JHADC Bah Thombor Shiwat ula wanrah ruh iaka official report jong ka konsil.