Mih paidbah ka Iooksi Pyllun ban shna surok

Syllad | The Rising MeghalayaJuly 26, 2022

Ka Synjuk ki Waheh Shnong Iooksi Pyllun jong ki 5 Waheh Shnong haka sngi Nyngkong ha ryngkat ki paidbah nongshong shnong kila mih paidbah ban shna surok naduh Umdeinlin shaduh sha Talow bad Umbluh.

Kane ka surok ka dei ka surok ba ki paid nongrep naka ka shnong Iooksi pyllun bad ki shnong marjan ki pyndonkam na ka bynta ban leit bri leit lyngkha, kit maw kit shyiap bad kit dieng kit siej.

Ki shnong kiba mih ban shna ia kane ka surok ki kynthup iaka Iooksi Iapkhla, Iooksi Kyanmynsar, Iooksi Tongkiad, Iooksi Priang bad Iooksi Umdeinlin ha ryngkat ki shnong ba marjan kum ka shnong Umsalait ki la hiar ha ryngkat ki mohkhiew ki lyngkha ki ban maramot ia kane u surok.

Naka liang ka synjuk ka la ai khublei ia u Ma Nehemayah Tyngkan uba long uwei na ki nongshong shnong ka shnong uba la iarap kylluid mynsiem na la pla lajong da ki maw naka bynta ban ioh pyndap ia baroh ki thliew ki syar kiba don ha shilynter kane ka surok.

Ka synjuk ka ai khublei tuh ia ki riew paidbah kiba ai da ki Bolero Pick up, ki S Fourwheel naka bynta ban pynpoi iaki maw sha ki jaka ba maramot surok bad ia u paidbah salonsar uba mih sha kane ka jingtrei paidbah.