Mih paidbah ki nongshong shnong ka Jarain ba thung acting waheh shnong u Dolloi Amwi
Ki paidbah nongshong shnong jong ka Jarain, kaba hap ha Amlarem Sub Division, West Jaintia Hills District kila mih paidbah sha surok mynta ka sngi Balang ban pyrshah jur iaka jingthung acting Waheh Shnong ia u ma Ami Tariang da u Dolloi ka Elaka Amwi.
Ki paidbah jong ka shnong Jarain khlem salia iaka kyndon kiba la buh sorkar ban iada naka khlam COVID-19 kila mih sha surok bad iaid paidbah hapoh shnong ha ryngkat ka jing pyrta shla ban dawa na u Dolloi ban pyndam ia u acting waheh shnong uba ula thung khlem ka jingmynjur u paidbah.
Dangshen ki nongshong ka Jarain kila ujor sha ka Jaintia Hills Autonomous District Council (JHADC), hynrei namar ba don kino kino ki dak ki shin ban pyndam ia une u waheh shnong, ki nongshong shnong ka Jarain kila shim iaka sienjam ban mih sha surok ban pyrshah jur.
Katkum ka shithi ujor ba ki nongshong shnong kila ioh jingtip bala thung acting waheh shnong ia u Ami Tariang haka 27 tarik Nailar (August) hadien ba ula pan shabi na ki dkhot shnong ban pyndonkam iaki kor pynsawa ne ki PA System.
U ma Jemewell Pyrtuh, Dolloi Elaka Amwi ula ong ba ula thung ia u acting waheh shnong hadien bala kut ka samoi treikam u waheh shnong barim u Kliarbha Sana.
“Nga la iaid katkum ka kyndon aiñ jong ka Jaiñtia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi, Sirdar and Waheh Shnong) Act, 2015. Nga la phah shithi sha ka shnong la lai sien hynrei ym shym la pdiang iaka jingkhot jingiakren kumta nga la thung ban pyntyllun iaka kam,” la ong u Dolloi bad ula ong ruh ba marsien thung kla mih ka jingujor jong u paidbah.
U paidbah nongshong shnong ka Jarain ki dang kwah ban pynneh iaka u Waheh Shnong barim bad halor kane u dolloi ula ong ba yn pynbeit ia kane ka kam ha kine ki khyndiat sngi ban wan.
Facebook
Instagram
Youtube
Twitter
Kane ka dei ka jingleh donbor u daloi ka Elika Amwi bad ka jingniewbein Jong u ia ki nongshnong Jong ka shnong Jarain namar ia une u acting headmen ruh u khlem thung ha poh shnong Jarain hynrei u leit thung na Sha ka Wei ka shnong bad u wan rah ha jarain kata ruh ka sngi ba u thung acting ia une u Ami Taring haka 31 u July haka sngi ba ka shnong baroh ka Wei ka dang iam briew ka dang ia sngewsih bad jynjar namar ba don u Wei u samla napoh shnong u hap um Sha wah mynngot te baroh ki paitbah shnong ki dang ia pynlong ka jingleit wad ia u ta u ba hap um te hynrei Kita ki group u daloi pat ki nang ia kmen ki ia muja ki Sha kata ka jingiathung acting headmen
Ka jingkylli Jong Nga mynta ka long 1.hato u daloi u ju don ne em ka rukom ba un jied ne thung headmen ma u hapoh shnong(2) Ju long ne m ka rukom ban jied headman Sha ka Wei ka shnong bad un wan long headmen pat ha Jarain namar ngi (3) balei u thung acting headmen haka por ne ha ka sngi ba don ka jingjia ba iap u samla ba hap um ha poh shnong . Khublei shibun