Mih shakhmat ka dorbar shnong Moodymmai ban ai jingkyrshan ia u Jesse Suiam kum u kyrtong MDC

Syllad | The Rising MeghalayaOctober 30, 2024

Ka dorbar shnong Moodymmai kala mih shakhmat ban pynbna ba kala rai ban kyrshan tylli ia u MDC ba mynta u Jesse Suiam kum u kyrtong elekshon MDC jong ka Jaintia Hills Autonomous District Council (JHADC).

U Chairman Dorbar Shnong Moodymmaim Ma Emris Ksoo, ula ong ba hynne ka step 30 tarik u Risaw kila lum iaka jingialang dorbar elekshon na ka bynta ban iakren iaka elekshon MDC ban wan.

Kane kala wan long hadien ka jingkyrpad jong u MDC ban ai jingkyrshan ia u ha kane ka MDC elekshon ban wan, kumta ka dorbar shnong haka jingialang kala shim iaka rai ban kyrshan pura ia u Jesse Suiam kum u kyrtong MDC na ka shnong Moodymmai, la ong u ma Emris.

Haba kren hadien ka dorbar u ma Emris ula ong “Ka long kaba sngew kmen sngewtynnad ban ioh lum iaka dorbar elekshon ban pynkhreh iala elekshon MDC ka ban wan. Kum u MDC ula wanrah shibun ki skim bad iarap iaka shnong ka thaw bad ki dong ka shnat bad kum ka dorbar da ka wei ka sur ngi la kut jngmut ban kyrshan pura biang ia u ha kane ka kynti.”

Ula kyntu ruh iaki kiwei ki shnong kiba don hapoh haka Moodymmai-Nongkhroh Constituency (kaba tip mynshuwa ka Moodymmai Ummulong) ban ai ka jingkyrshan lang ia une u MDC.

“Haduh u snem 2028 kan nym don da kawei pat ka sorkar lait na MDA kaba ialam NPP, ban bat ia u lakam synshar bad dei tang ha kane ka sorkar ngi shaniah ban ai iaka jingkyrkhu iaka imlang ka sahlang bad rilum Jaintia baroh kawei,” ula ong bad bynrap “To kyrshan lang iaka sorkar NPP ba kan synshar ia ngi haduh 2028 ba kan ai ka jingkyrkhuh kumba ngi thrang angnud.”