Mih u paidbah u nongshong shnong ka Sutnga ban ap iaki trok kit ñiut ka Jowai Municipal Board

Syllad | The Rising MeghalayaApril 22, 2022

Ki paidbah nongshong shnong ka Elaka Sutnga hapoh ka lama Hima Sutnga Youth Federation kila mih sha surok ban ap iaka ki trok kit ñiut ka Jowai Municipal Board haka sngi Thohdieng.

Ia kane ka jingmih paidbah ka Hima Sutnga Youth Federation kala pynlong ha Sookilo.

U Yoowan Shyrmang, Secretary Hima Sutnga Youth Federation ula ong ba ka jingmih paidbah jong ki ka long ban pynrshah iaka jingthmu bret ñiut ka Jowai Municipal Board (JMB) hapoh elaka Sutnga.

“Ngi ap ha kane ka jingjaka ban khanglad iaki trok jong ka JMB ban bret niut hapoh kane ka elaka jong ngi,” la ong u ma Shyrmang uba la bynrap ba kim lah satia ban pdiang ia jingthmu ka bor synshar district West Jaintia Hills ban wan bret ñiut sha kane ka elaka.

Ka khubor kaba iohlum ba ar tylli ki trok kiba don ia u number ML04 C 0852 bad ML11 2566 kiba kit iaki ñiut hadien ba kiba la tip ia kane ka jinglum paidbah ha Sookilo ynda la poi ha Ladrymbai kila phai noh.