Mihkhmat 6 ngut iaka Jylla sha ka 52nd National Cross Country Championships

Syllad | The Rising MeghalayaMarch 23, 2022

Mynta ka sngi, ka kynhun ki rang ialehkai athletic ka Meghalaya Athletic Association(MAA) hapoh ka jingialam ka jong u bah Benningstar Lyngkhoi kum u coach cum manager, ki la mih na nongbah ban leit ban iashim bynta sha ka iakop ia mareh ba la tip ia ka kum ka 52nd National Cross Country Championships 2022 ba la buh ban long ha Kohima, Nagaland ha ka 26 tarik mynta u bnai.

Ki kyrteng jong ki rang ia mareh ka jylla ban mihkhmat ialade sha kane ka jingiakob ki long u Kresstarjune Pathaw, Jomsingstar Ramsiej, Mikhel Ramsiej, Hepstarly Lyngkhoi, Danial Lyngdoh Wahlang bad Okitlang Syiemlieh.

Ha shwa ba kane ka kynhun kan mih na ka nongbah, la ioh ia ka jingkitbok kit rwiang ba la ai da u working president ka Meghalaya State Olympic Association (MSOA) u bah John F Kharshiing ryngkat u Treasurer ka MSOA u bah Ksan Warjri bad la iadonlang u Secretary ka MAA u bah Finely L Pariat ha madan jong ka JN Stadium, Polo, Shillong