Mudui ki 7 shnong da ka ejahar iaka jingkit palat pud ki kali haka surok Laskein Barato

Syllad | The Rising MeghalayaMay 25, 2024

Ka kynhun jong ki Waheh Shnong jong ki 7 tylli ki shnong haka thain Barato kila mudui da ka jingujor ejahar pyrshah iaki kali kiba kit palat pud haka surok Laskein Barato namar ka jingsynjor ka jingkieng wah Myntang (Rymphum) ka pyniasoh ia bun tylli ki shnong na Laskein sha Barato.

Kine ki 7 shnong ki kynthup iaka shnong Barato, Maitdein, Iongkynchur, Mukroh, Saba, Thangraiñ bad Iongkwang. Baroh kine ki shnong ki hap hapoh ka Laskein C&RD Block.

Ia kane ka jingmudui kine ki Waheh Shnong kila ujor ha Barato Police Outpost haka 24 tarik Jymmang. Kila kyntu iaki pulit ban khang pyrshah iaka jingiaid sahuh ki kali kit palat pud lyngba ka jingkieng Rymphum namar ba kala shong synjor kaba buh iaka jingma iaka iaid ka ieng ki kali bad briew.

Kumban shu pynkynmaw ka PWD kala maramot ar lai sien ia kane ka jingkieng bad la hap ruh ban khang iaka leit ka wan ki motor, pynban ka jingkit khia palat pud ki kali ha katei ka thain ka iai bteng kaba la pynlong ia kine ki shnong ban sngewkhia iaka jingshngain ka leit ka wan.

Kine ki 7 shnong kila kyrpad ruh iaka tnad pulit ba kin pynshitom iaki trai kali ne driver kiba phynkhein iakane ka ain ne kiba kit palat iaka 9 metric ton katkum bala kdew ka PWD.