Mynjur ka Cabinet ban pynkhlain bor ïa ki Autonomous Councils

Syllad | The Rising MeghalayaJanuary 23, 2019

SHILLONG: Ka Cabinet jong ka Sorkar Kmie mynta ka sngi ka la mynjur ia ka jingpynkylla ne amendment jong ka Sixth Schedule bad Article 280 jong ka Constitution jong ka Ri India kaban plie lad ban pynkhlain ïa ki Autonomous District Councils.

Kane ka amendment kan pynurlong ïa ka soskular ïasuk bala soi hapdeng ka Sorkar Kmie, Sorkar Meghalaya/Sorkar Assam bad ka United People’s Democratic Solidarity (UPDS), Dima Halam Daogah (DHD) and Achik National Volunteers’ Council (ANVC).

Kan don ruh ka jingpynkylla kyrteng ïa ki autonomous councils kum ka Karbi Anglong Autonomous Territorial Council (KAATC), Dima Hasao Autonomous Territorial Council (DHATC), Garo Hills Autonomous Territorial Council (GHATC), Khasi Hills Autonomous Territorial Council (KHATC), Jaiñtia Hills Autonomous Territorial Council (JHATC) bad Tripura Tribal Area Autonomous Territorial Council (TTAATC) namar ba ki pud ki sam jong kine ki council ki long palat kawei ka district.  Shuh shuh kan don ka jingpynkiew noh ïa ki seat ha KAATC, DHATC, GHATC, KHATC bad JHATC.

Yn thaw ruh ia ka State Finance Commission ha Assam, Meghalaya, Mizoram bad Tripura khnang ban kyntiew ïa ka pisa pilain bad aktiar treikam jong ki Autonomous District Councils ha kitei ki jylla. Katei ka Commission kan ai jingmut ïa ka jingsam jong ka pisa pilain sha kitei ki 10 ADCS bad village bad municipal councils hapoh ki Sixth Schedule areas.

Katei ka amendments kan thaw ia ki village bad municipal councils kiba shu jied khnang ban pynkhlain ia ka synshar paidbah naduh tynrai.

La pynkupbor ïa ki village councils ban pynkhreh kaiphod ne mat treikam ban kyntiew ïa ka ioh ka kot, ka rep ka riang ka jingbha ïa ki jaka puta, jingsumar sukher ïa ki tyllong um, ka jingri mrad, ka jingsam bording sha ki thain nongkyndong, ki karkhana rit, ka jingthung dieng nalor kiwei de.

Kan don ka jingbhah kyrpang kaba long kawei na ka ki lai seat (1/3rd) na bynta ki longkmie/kynthei ha ki village bad municipal councils ha ki Sixth Schedule jong Assam, Mizoram bad Tripura bad arngut ki dkhot ba shu thung ne nominated members ba baroh ki autonomous councils khnang pynkupbor ia ki longkmie hynrei ia mynta ia ka jylla Meghalaya la pyllait shwa na kane ka kyndon.

Yn thaw ruh ïa ka State Election Commissions ban pynlong eleshon jong ka Autonomous Councils, village bad municipal councils ha Meghalaya, Assam, Mizoram bad Tripura.

Featured Image Sources:Internet (https://www.facebook.com/narendramodi/photos)