Mynjur ka KHADC ban thaw biang ia ka Khasi Traditional Medicine Commission

Syllad | The Rising MeghalayaDecember 20, 2023

Ka Khasi Hills Autonomous District Council (KHADC) haka 20 tarik Nohprah, kala mynjur na ka bynta ban thaw biang ne re-constitute ia ka Khasi Traditional Medicine Commission.

Katkum ka kaiphot jong ka Executive Committee ba la wanrah da u Chief Executive Member (CEM), u Bah Pyniaid Sing Syiem ha ka sngi sdang jong ka Dorbar Tlang ka Council, la thaw biang ia kane ka Commission katkum ka KHAD (Protection and Promotion of Khasi Traditional Medicine) Act, 2011.

Ia ki 12 ngut ki dkhot jong ka Commission yn khlieh da u CEM ka KHADC kum u Chairman bad u Joint Secretary ka Executive Committee u Bah A Nonghuloo kum u Secretary.

Katba ki dkhot jong ka Commission ki kynthup ia saw ngut ki nongai dawai kynbat kiba kynthup ia u Dr DL Nongspung, Dr Alka Kharsati, Dr Boss Myrthong bad Dr Dlas Rani, arngut ki nongai dawai u Dr JP Lyngdoh bad Dr Sparstarlin Nongrem bad 4 ngut ki riew pawkhmat hapoh ka imlang sahlang kiba kynthup ia u Dr PS Nianglang, Dr Fabian Lyngdoh, Kitboklang Nongphlang bad u Bah RS Wanniang.