Mynjur ka Sorkar iaka dor bai jaka ha New Shillong Township bad ha Mawkhanu

Syllad | The Rising MeghalayaJuly 11, 2024

Ka Sorkar Jylla ha ka 10 tarik Naitung ka la shim ia ka rai halor ka jingbuh dor ia ki jaka ban aiwai hapoh New Shillong Township (NST) Phase-II bad kumjuh ha ka thain Mawkhanu.

“Ka jingthmu ka long ba ngi la buh katto katne ki jaka na ka bynta jong ngi bad katto katne ki jaka ki bym pat pyndonkam satia haduh mynta, ha kaba na ka liang ka sorkar ka la shim ia ka rai ban buh dor na ka bynta ban ai wai sha kiwei pat ki tnad Sorkar Jylla bad Sorkar Pdeng kumjuh ki jaka treikam jong ki riew shimet kiba kwah ban wan buh ia ki jaka treikam khnang ba ngin lah ban pynmih pisa,” ong u Myntri Rangbah ka Jylla u Conrad K Sangma haba kren sha ki lad pathai khubor hadien ka jingialang jong ka Kynhun Myntri.

Da kaba pynpaw ba ka Sorkar ka la don ia ki katto katne ki kynhun bei tyngka, u Sangma u la ong, “Mynta da ka jingkiew jong ka dor bai jaka, ngi sngew ba ka biang eh ba ngin thaw da ka policy bad buh dor ia ka bai jaka ha kaba ngin lah ban ai jaka sha ki agency bapher bapher, bad kine kin long ha ka rukom ka jingai wai kaba jlan, bad ruh ba ka dor kan iapher na ka bynta ka Sorkar Jylla, Sorkar Pdeng bad ki kynhun shimet.”

“Bad lada kine baroh kin urlong kumba la thmu, ka dei ban don ka jingsiew kaba heh ia kaba ka sorkar kan lah ban ioh nong pat na ka jingai wai slem ia kine ki jaka,” u la bynrap.