Mynjur ki skul hapoh EKH ban pdiang shuh shuh ia ki khynnah pule klas XI

Syllad | The Rising MeghalayaApril 15, 2025

Ki jaka pule bapher bapher hapoh East Khasi Hills ki la mynjur ban kyntiew bad pynbun shuh shuh ia ka jingpynrung klas na ka bynta ki khynnah pule khnang ban plielad ia kito ki khynnah ki ban pule ia ka klas XI.

Ia kane ka rai la shim hadien ka jingialang ba la khot pynlong da ki bor pyniaid ka East Khasi Hills bad ki khlieh nongpyniaid jong ki jaka pule kiba don haduh 10+2 ne HSSLC ha ka 15 tarik Iaiong, da kaba kyntu ruh ia ki ba kin pdiang kham bun ka jingpynrung klas ia ki khynnah ha ki jaka pule jong ki khlem da ktah pat ha kaba iadei bad ka jingpynioh ia ki jinghikai ba bha tam.

“Ha kaba iadei bad kane ka phang, ki khlieh nongpyniaid jong ki jaka pule ki la pynthymmai ia ka jinglah ban pdiang shuh shuh ia ki khynnah bad ha kajuh ka por ki la buh ruh ha ka website jong ka district: eastkhasihills.gov.in,” pynpaw ka Deputy Commissioner ka East Khasi Hills ha ka kyrwoh haka sngi ba Ar.

Lah ban kdew ba ka jinglah ban pdiang ia ki khynnah pule ha ka HSSLC ha ka jylla ka long 51,000 ngut. Hynrei, ka jingpass jong ki khynnah pule mynta u snem ha ka SSLC ka long 55,475 ngut.