Mynsaw jur 2 ngut haka askident kali, lied ka tnum Bolero bad lait ka shaka shaktiman ha Sabahmuswang, Jowai

Syllad | The Rising MeghalayaDecember 22, 2023

Ha kawei ka jingjia aksident kaba kham i shyrkhei kaba la jia ha surokbah NH 6 ha Sabahmuswang, Jowai, ar ngut ki briew kila mynsaw jur na ka jingiapakhuh ka Mahindra Bolero bad ka trok Shaktiman.

Kane ka jingjia kala jia haka por kumba 2:45 nohphaisngi haka 22 tarik Nohprah.

Katkum ki dak ki shin la sakhi ba kine ki kali kila ia synrud ha kaba ka Mahindra Bolero kaba don ia u number ML 11 8143 kala julor phom bad la lied bad ka tnum jong ka kali, katba ka trok Shaktiman bym lah satia ban ioh iaka number jong ka, ka shaka ba shadien jong ka kala lait shabar.

Ha kane ka jingjia kawei ka Maruti Alto kala ngat lang ha kane ka jingiatakhuh kali, hynrei donbok kam don kano kano ka jingjia bad kiba shong haka kali kila mynsaw malu mala.

Ar ngut kiba don haka kali Bolero kila mynsaw jur bad pynkit iaki mar mar sha Woodland WK Hospital, Sabhamuswang, Jowai. Kine kiba mynsaw ki dei u Mikel Dkhar ba na ka shnong Thangskai bad ka kong Rilangnga Sayoo na ka shnong Mulieh.