Mynsaw jur 4 ngut ba thung baji ka Shaktimaan shapoh riat ha Raliang

Syllad | The Rising MeghalayaJanuary 25, 2020

JOWAI: Saw ngut ki briew kila mynsaw jur hadien ba ka trok Shaktimaan kala thung baji shapoh riat hynne ka step haka shnong Raliang, West Jaiñtia Hills District.

Kane ka jingjia thung baji kane ka trok shaktimaan kaba don u register number ML 04 5056 kala jia haka por kumba 9:30 baje eiei shuwa ban poi ka shnong Raliang bad la suba jur u nongniah kane ka trok shaktimaan um lah ban tehlakam ïa u steering ka trok bad kala iaid shabar ka surok haka jaka kaba khun bha ha surok bad thung baji sha poh riat kaba jrong kumba 40-60 meter.

Ki nongïaid lynti kiba ïohi ïa kane ka jingjia kila leit ban ai jingïarap ïa ki briew kiba mynsaw bad pyntip ruh sha ki Pulit jong ka Raliang Out Post.

Ïa baroh kine kiba mynsaw la pynkit sha Jowai Civil Hospital Ialong ban ïoh jingsumar. Kine kiba mynsaw ki kynthup ïa u nongniah ka shaktmaan u Pherlin Lamare na Mooluber bad lai ngut pat kiba shong ha katei ka shaktimaan ki dei u Nishalan Marang, Khlurkari Rymbai kiba na Mooluber bad Darson Inty na Umkhyrmi, Assam ki dei kiba mynsaw jur na kane ka jingjia.