Mynsaw u nongniah trok ba shah lute haki runar na Bangladesh ha Tamabil

Syllad | The Rising MeghalayaJuly 12, 2023

Ka kynhun nonglute ba suba jur ba ki dei ki nong Bangladesh kila lute bad shoh pynmynsaw ia uwei u nongniah trok ha lynti ban leit sha ka kad khaii Tamabil, Dawki haka sngi Nyngkong.

Une u nongniah trok uba mynsaw u dei Donald Chyrmang.

Ka khubor kaba ioh lum ka iathuh ba kane ka jingjia kala jia haka por kumba 3:30 Am ha ka jaka ba pynieng iaka trok katba dang ioh thiah hapoh kali.

La iathuh ba kine ki runar kila hiar thma iaka trok une u nongniah kali bad ia ki ar tylli kiwei pat ki trok kiba ieng lang ha kajuh ka jaka hajan ka khyrdop barim ka DMR Bakur Dawki. Kine ki nonglute kila pynpait iaka jingkhang ka kali bad shoh ia une u nongniah trok bad bad lute iaka pisa bad ka phone.