Myntoi 25 ngut ki nongpang mat na ka medical camp ka NEA University

Syllad | The Rising MeghalayaSeptember 12, 2023

Ka North East Adventist University (NEAU), Khliehtyrshi haka 8 tarik Nailur kala rakhe iaka World Physiotherapy Day halor ka phang “Arthritis’ ne ka jingpang mat iaka kaba la pynlong ha Sub Centre Mukhla West Jaintia Hills District.

Ka World Physiotherapy Day kadei ka sngi ban kynmaw burom iaki nongtrei kiba long kum ki Physiotherapists kiba don ka bynta kaba khraw haka liang ka koit ka khiah haka bor met bad ialap ruh iaki briew iaka jingmyntoi ki nongsumar physiotheraphy.

La rakhe ia kane ka sngi da ka jingiaid Rally ki samla pule ka North East Adventist University (NEAU) pynbud sa ka jingialang pynsngewthuh paidbah ba iadei bad ka jingpang mat.

Hadien ka jingialang la pynlong iaka Free Medical Check Camp ha Mukhla Health Sub Centre na bynta ki nongshong shnong ka Mukhla bad la don 25 ngut ki nongshong Shnong kiba la ioh jingmyntoi na kane ka camp.