Na Guwahati Mizoram Agartala wanpoi ki ñiut ha Dalmia Cement phah khang ka dorbar shnong Thangskai

Syllad | The Rising MeghalayaMarch 28, 2022

Ki nongialam jong ka Shnong Thangskai haka sngi Nyngkong kila leit ban khang syndon ia ka jaka pyllang ñuit jong ka karkhana Dalmia Cement kaba la bthah ka dorbar shnong ban khang naduh u snem 2021.

U Ma Phaibiang Syrti, Waheh Shnong Thangskai ula ong ba kane ka karkhana kaba don hapoh u pud u sam jong ka shnong kala leh bymsuidniew iaka jingbthah ka shnong bad bteng ban wanrah iaki ñiut plastic bad lumthup ha kiba bun ki jaka ha katei ka shnong nalor hapoh ka jaka pyllang ñiut ka karkhana.

Ka bor shnong ka la dep ujor sha u Deputy Commissioner (DC) jong ka East Jaintia Hills ha u bnai February 2022, hynrei la kynnoh ba na kaliang ka ophis u DC ruh kam shym la shimkhia ban leh eiei.

Ka bor shnong kala iathuh ba kine ki ñiut plastic ki dei kiba wan poi na Guwahati, Mizoram, Agartala bad kiwei kiwei ki jaka. kumta ki nongialam shnong kila maham tyngeh ia ka Dalmia Cement & ruh ia baroh ki Transport bad ki driver kala kit ñuit ka lada dang lap nangne shakhmat ka shnong kan leh da kaba tyngeh nangne shakhmat.