Na ka CMSDF ioh ambulance ka Seng Samla Shnong Umkiang

Syllad | The Rising MeghalayaJanuary 15, 2023

Ka Candidate kynthei ba marwei jong ka NPP na Sutnga Saipung Constituency ka kong Santa Mary Shylla kala pyllait paidbah iaka kali kit nongpang jong ka seng samla shnong Umkiang, East Jaintia Hills District haka sngi Saitjain.

Kane ka kali kit nongpang ka dei kaba la pynioh da ka kong Santa Mary Shylla lyngba ka skim Chief Minister’s Special Development Fund (CMSDF).

La thied ia kane ka kali haka dor kaba la kot T.13 lak.

Ha kane ka jingialang plie la iadonlang ki MDC ka JHADC kynthup u Chairman ka JHADC u Dr. Sankey Shangpung, u Emlangki Lamare bad u Seibor Shadap, Assistant Waheh Shnong ma Kynjaimon Amse nalor kiwei kiwei ki nongialam shnong bad ki riew rangbah jong ka shnong.

Ka Kong Santa Marry Shylla haka jingkren ka la ïathuh, ba ka jingïoh ïaka Ambulance kadei hadien ba ki Seng Samla Shnong Umkiang ki la ud la nam sha ka ba ki iakynduh jingeh haka por ba ki thmu ban pynkit nongpang sha ki jaka sumar. Kumta nakaliang jong ka kala pynsngew sha u Myntri Rangbah ka Jylla u Conrad K Sangma uba la kloi ban ïarap bad pynïoh ïa kane ka kali. Kala iathuh ruh ba u Myntri Rangbah ka sorkar Jylla ula ai jingïarap ruh kumba 14 lak tyngka sha ki nongshong shnong ka Lumphyllut na bynta ban shna ïaka Footbridge ne ka jingkieng ïaid kjat ban kam shilliang ka wah.