Naduh 5 tarik yn pdiang nongwan jngohkai ka Shnongpdeng

Syllad | The Rising MeghalayaJanuary 1, 2021

Ka Dorbar Shnong Shnongpdeng kala rai ban pdiang iaki nongwan jngohkai kiba ju sngewtynnad ban wan jngohkai bad sahmieit ha Shnongpdeng naduh 5 tarik Kyllalyngkot (January) 2021.

“Ngi la rai ban pdiang sngewbha ia ki nongjngohkai pyrthei, kiba ju sngewtynnad ban wan jngohkai bad sahmieit kumba ju long baroh shikatto ha wah Umngot Shnongpdeng hadein bala khang shipor na ka daw ka jingiakhun pyrshah iaka khlam COVID-19,” la ong u Lurman B Talang, General Secretary Dorbar Shnong Shnongpdeng.

.Ula ong ba ka Dorbar Shnong, kala buh ruh ia ki kyndon ba ki nongwan kai kin hap ban bud ryntih ha kaba la khang shuwa shipor ban bam khana harud ka wah.

Ka Dorbar shnong kan pdiang tang 500 ngut haka shi sngi iaki nongwan kai suwari, ula ong u ma Lurman.

Ka Dorbar Shnong Shnongpdeng, Ka kyrpad iaki nongwanjngohkai ban iatreilang bad ki bor pyniaid shnong, namar kin don shibun ki jingkylla haka rukom pyniaid kam bad kyntu iaki nongwan kai ban bud ryntih iaki kyndon ka sorkar ha kaba iadei ban iada naka khlam COVID.