Naka pla lajong synñiang u MDC 300 byrni u khaw ha War Jaiñtia

Syllad | The Rising MeghalayaApril 10, 2020

U MDC jong ka 1-War East u Ma Gillroy Tariang u la noh synniang da u khaw 300 byrni ha baroh kawei ka elaka Satpator kiba don haduh 36 tylli ki shnong hynnin ka sngi Saitjain.

Une u khaw dei uba 50 kilo shi byrni bad la aiti ha ki Waheh Shnong jong ki shnong bapher bapher ban sam ia une u khaw sha ki paidbah kiba kyrduh khaw naka jingkhang khyrdep iaka Ri bad ka Jylla ban ïakhun pyrshah iaka khlam COVID-19.

U Ma Gillroy Tariang, u la ong ba kum u nongmihkhmat kane kadei ka lad ba un ioh ban iarap ia u duk u suk haka por ki ba shem jingeh. Ula ong kane ka kam dei ka MDC skhim, hynrei ka dei beit kaba ula synniang nala ka jong ka pla ban iarap ia u paidbah ka thain.

“Nga sngewhun haba nga ioh ka lad ban ïarap ia u paidbah ka thain ha kum kane ka por ba ki jynjar bad kyrduh iaki mar bam mar dih bad nga kyrpad iaki nongialam shnong ba kin jied shuwa iaki longiing kiba kyrduh shisha ia u khaw khnang ba kin ioh jngiarap,” ong u ma Gillroy.