Nalor ka kam ri khynnah, leh isynei ki shikurim iaki longïing ba duk

Syllad | The Rising MeghalayaApril 25, 2020

U Ma Protasius Suiam u dei u briew uba don ka mynsiem ban ai bad ban ïarap ia kiba duk ba kyrduh, ha kane ka sien ruh hadien ba ki paidbah kila shah ktah naka jingkhang khyrdep ban iada naka jingsaphriang ka khlam COVID-19, ula kner iala ka kti jingiarap sha ki 80 tylli ki long iing ba duk haka shnong Mission, Sohkymphor, East Jaiñtia Hills District haka sngi Thohdieng.

U Ma Protasius Suiam u dei u trai jong ka skul Tiachaphrang Higher Secondary School Sohkymphor, East Jaintia Hills District.

U Ma Protasius Suiam bad ka lok jong u ka Kong Liancy Suchiang ki ri sumar ruh ïa ki 11 ngut ki khunswet bad ban pynioh ruh iaki iaka jingnang jingstad ha ka skul kaba ki seng. Kine ki shijur ki dei ki briew kiba smat bha ban iarap ïaki briew kiba donkam jongiarap.

Kine ki shi kurim ki dei ki briew kiba ïohi jngai bad ki angnud ban kyntiew iaka kam pule puthi haka shnong ka thaw jong ki.

Hynnin ka sngi kine ki shikurim kila mih shakhmat ban synniang da u khaw mar 10 kilo sha ki 80 tylli ki longiing kiba duna haka ioh ka kot, kiba shah ktah ha kane ka lockdown ban iakhun iaka khlam Coronavirus.

“Ngam lah ban peit tang da la ki khmat haba ki para shnong jong nga kim ioh shuh ban thied khaw tang shisien shet ruh”, la ong u Ma Suiam bad kyntu ia kine ki longiing ban pdiang iaki jingai sngewbha barit ka jong u.

Ula iathuh ruh ba dangbun ki loniing kiba don hapdeng ka jingkyrduh jingbam bad u kyrmen ba U Blei un plie ka lad ka lynti ba un lah ban synniang jingiarap katba u ioh ei sa kine kiwei pat ki longïing baduk.